GAUNA NI LESU I VANUA

E dua na vakasama e kau cake mai oya ni sa dodonu meda sa lesu tale i Viti na i taukei nio sa yacova na yabaki 65 se 70.

Dina ni sega ni rawa e dua e vakasaurarataki, au nanuma ni sa dodonu ga meda vukei ira na wekada ena noda solia vei ira na vakasama qoka.

Vuqa ena nodra taleitaka tu na bula rawarawa e Merika,rawa tiko na i lavo, sa guilecavi tiko ni sa qase tiko mai, sa o sa na sega ni qarava mai e levu na i tavi, okati kina na cakacaka e soli ena kena vakatagede uasivi.

E le vica beka era kila na sara i tukutuku ena Internet, au sa kerei keda kina na veiwekani, meda i dewadewa ni veivuke vei ira ka tukuna yani kina na nomu nanuma, ni sa toboki keda na yabaki.

Levu era kaya, cava e nomu, au set tu, ia mo set dina tu, me tu e dua na nomu sede me na vukei iko ena gauna o sotava kina e dua na leqa.

Au via vakavinavinaka talega vei ira era sa lesu i Vanua ena kena gauna donu, laki marautaki na makubuda, na vale, na veiwekani kei na veika qima.

Dau kaya e dua na wekaqu mai Malolo.....au via pasidia i Amerika, kau pasidia tale mai, IA Au sega ni via pasidia i Merika, ka qai kako mai...sa dri yani!

"Na Lomaqa"

E vakavuna meu vola na ulutaga qo baleta eso kara sa vakaitikotiko se lewenivanua tudei evanuatani.

E vaka me kena i rairai nio vakapepa se lewenivanua e vanuatani, o sa vaka mo dua tu na ka.O sa sega ni rere na vosataka e dua, se o mani tukuni koya sara kina tabana ni curu vanua.

Au vakadikeva toka ni o ira qo, era cavu drokadroka saraga mai nakoro kara kau valagi.

Au dau gade vakalevu kei iratou na makubuqu vei ira na neitou i tokani, au dau marautaka ni levu vei ira era sega madaga ni rawa mera dalagataka na nodra vakapepa e vanuatani.Sa dina eda sa duidui ga.

E Amerika era sa vakau tiko i noda e levu ka sa mai lusi na nodra kisi ni "Political Asylum".

Dua ga na i vakasala nei Tai- keo nanuma tiko mona applytaka mo rawa ni vakapepa kina eke, ia mo vakadeitaka ni sa tiko vinaka vei iko na i vakadinadina ni o rerevaka na lesu ki Viti niko na laki vakararawataki kina.

Ke sega ni tiko vei iko, ia mo kua ni vakasaga, veitalia kera vakasalataki iko ko ira era sa rawata kina na nodra pepa.

Ia keo sa mani vakau lesu i Viti, a cava na kena ca, o lesu tale ina nomu vanua,vei ira na wekamu. Dina nina biu tu mai na i lavo ona laki bula marau ga ka na rawa nio na gade tale ki vanuatani ena dua na gauna mai muri.

Veiqati

Na cava beka e sa rui mata taka levu talega kina e vanuatani na "VEIQATI".

E vu beka oqo mai na vuvu,loma ca, sega ni kila na kalou.

Eda kurabui vakalevu ni yaco tu na veiqati e vanuatani,baleta ni da okati meda kalougata ni da biu vanua mai ka mai bula ena dua tale na vanua.

Kaya na i Vola Tabu mo kauta ga vua na nomu kalou na nomu rarawataka e dua, ka kakua ni vakamavoataka koya.

E levu talega e yavutaki na nodra veiqati nira raica eso tale nira rawa ka vakalevu.

Oiauwe, nanona rawa ka e dua e vakatau sara ena nona cakacaka vakaukauwa,vaca e vuna mo qati koya kina?

Se cava e nomu nanuma ?

Veiwekani e Vanuatani

Sa levu na veiwekani e sa mai luluga e vanuatani.

Noqu nanuma ni kevaka o mai taura matua tiko na nomu i tovo vakavanua,veirokorokovi,kila nomu veiwekani,rokovi ira era qase vei iko, e vakaraitaki ga na vuvale o susugi mai kina.

Levu e Amerika ni qai lavaki yani na i tavi vakavanua,e sa kena i sau mai, "na vanua e sega ni kauti keimami mai Merika".

E dina oya, ira nanuma tiko ni o okati tiko mo KaiViti na nomu vanua kei na kena i vakarau ena ravita tu na bula taucoko.

Eda kalougata na i taukei mai Viti ni tiko na noda i tovo vakavanua se na Custom and Tradition.Keo rai wavokiti ira eda mai bula vata tu e vanuatani e dredre mo raica ni tiko na nodra i tovo vakavanua.

Se cava nomu nanuma ?

Sega ni Lavo.

Nanuma ni oqo e dua na mate taka levu e vanuatani,era nanuma mai Viti ni da sa tu e vanuatani sa levu talega na i lavo(e dodonu ga me vakakina).

Cava beka na vuna me da dau leqa vakalevu ?