I TOVO VAKAVANUA

Au gadreva meu vakavinavinataki kemuni na i taukei e se dei tikoga vei kemuni na noda i tovo vakavanua ka da kilai tani kina na i taukei kei Viti.

Me vaka ni sa dua oqo na senijuri na noqu mai vua e vanuatani, au sega ni rawa ni vosa baleti ira na tiko mai Viti,ia vei keda na tiko e valagi, o sa kila tiko ni totoka ka vakaucokona na noda bula ni vakaraitaki na noda i tovo dina.

Dau lauti au vakalevu ratou na wekaqu mai Uluda. Vinaka vakalevu na kena dau dei tiko na i tovo eda tuberi mai kina. Ka ni vuli talega vei au.

Sa yali tiko yani vakamalua na i tovo ka ra a bulataka mai na tukada, ia na kena vakadewataki kina noda kawa mai muri ena vakatau saraga vei iko kei au.

Soli e dua na nomu tiki ni gauna ena loma ni dua na siga mo tubera kina e dua na wekamu ena nomu i tovo dina vakavanua, daumaka sara vei keda na turaga meda wasea talega na noda i tovo dina ena kena qarava e dua na noda oga.

Ka ni rarawa ni so na turaga ka tiko na nodra yabaki ni bula mai na 30-50 e sa sega madaga ni rawa ni cabora se ciqoma na yaqona, ia ke cakava vakakina e veiwakitaki, ni cabora e vakatale me ciqoma, se ciqoma e vakatale me cabora.

Se cava na nomuni nanuma ?

TAMATA NUITAKI

E sega walega ni noda leqa qo na Kaiviti, e kunei ena vei mata tamata kece e vuravura.

Sa lailai na tamata eda rawa ni nuitaka, se tamata dina ena ka e tukuna se vaevei ?

E valagi, qoka e dua na mate e kunei rawarawa kina, cava beka e vuna ? Sega ni taucoko na bula vakayalo ? E dina taucoko qo, ia e so era sega ni lotu vinaka ia era tamata nuitaki sara.

E rawa beka nio yalataka e dua na ka vua na wekamu, ia me yaco mai na siga mo cakava na ka o yalataka, e sega sara nio qai kune tale.

Na tamata nuitaki eda na sarava ga ena nodra i vakarau ni bula kei na ka era rawata vakayalo ka vakayago talega.

Au cala beka...e levu na kaiviti e tamata nuitaki ?

O sa laurai tiko vaka vuniwai ?

Kemudou na makubuqu o Tai sa laurai tiko vaka vuniwai sa toso tu kina na bula ena veisiga.

Ia ena noqu dau veimaliwai kei keda na i taukei, e rauta ni 3/4 era se bera vakadua tu ni laki laurai vei vuniwai.

Ke dua na mosi e yaco, da sa lako ga yani ina kemesi ka laki kau wainimate mai kina. Nanuma o sega ni vuniwai.Kauti io vua e dua me na tukuna mai vei iko se vaevei tu na nomu i tuvaki ni bula e loma, o kya o sega ni raica rawa.

Levu na mate vakasauri e vu mai na tubu ni dra, mate ni uto, stress kei na veika tale eso, baleta gona nira sega tu ni laki laurai vakavuniwai.

Nio sa vakayagataka tiko na yagomu me cakacakataka na i lavo me baleta na bula ni nomu vuvale e vanuatani kei ira mai vanua,nanuma talega ni dodonu me dikevi talega mai vei ira na kena dau- na vuniwai.

So era kaya, wow, sa rui sau levu na i sau ni vuniwai. Nanuma vinaka qoka, e tu eso na vanua ka sau vinaka kina na qaravi vakavunwai, koya gona meda veivuke na kena soli na i tukutuku vakaoqo.

Se keo nanuma na nomu bula veitalia na i sau ni vuniwai ona sauma ga, baleta, ni o taura tu na i lavo vinaka.

Rawa beka nio veivuke ena kena vakadewataki na i tukutuku qo ?

O Tai Keli e rawa sara talega ni vukei iko mo laki laurai ena dua na vanua, qai vola mai nomu naba.

Vinaka valevu.