E vakavuna meu vola na ulutaga qo baleta eso kara sa vakaitikotiko se lewenivanua tudei evanuatani.
E vaka me kena i rairai nio vakapepa se lewenivanua e vanuatani, o sa vaka mo dua tu na ka.O sa sega ni rere na vosataka e dua, se o mani tukuni koya sara kina tabana ni curu vanua.
Au vakadikeva toka ni o ira qo, era cavu drokadroka saraga mai nakoro kara kau valagi.
Au dau gade vakalevu kei iratou na makubuqu vei ira na neitou i tokani, au dau marautaka ni levu vei ira era sega madaga ni rawa mera dalagataka na nodra vakapepa e vanuatani.Sa dina eda sa duidui ga.
E Amerika era sa vakau tiko i noda e levu ka sa mai lusi na nodra kisi ni "Political Asylum".
Dua ga na i vakasala nei Tai- keo nanuma tiko mona applytaka mo rawa ni vakapepa kina eke, ia mo vakadeitaka ni sa tiko vinaka vei iko na i vakadinadina ni o rerevaka na lesu ki Viti niko na laki vakararawataki kina.
Ke sega ni tiko vei iko, ia mo kua ni vakasaga, veitalia kera vakasalataki iko ko ira era sa rawata kina na nodra pepa.
Ia keo sa mani vakau lesu i Viti, a cava na kena ca, o lesu tale ina nomu vanua,vei ira na wekamu. Dina nina biu tu mai na i lavo ona laki bula marau ga ka na rawa nio na gade tale ki vanuatani ena dua na gauna mai muri.
Subscribe to:
Post Comments (Atom)
3 comments:
BULA VINAKA TAI KELI.
VINAKA VALEVU NA KENA KAU CAKE MAI NA ULUTAGA QO.
DUA NA TAVALEQU SE QAI VAKAUA GA QO I VITI ENA NONA MAI FILE ENA ASYLYM.AU QAI ROGOCA NI SA SOLI MAKAWA VUA NA I VOLA NI LESU I NODA, IA E SEGA NI VAKAMURIA.AU VIA TUKUNA EKE, KE SA SOLI VEI IKO,KEREA MO ROKOVA KA LESU BALETA ONA BULA MARAU KINA,KA SEGA NIO MAI BULA VOLI ENA RERE.E SEGA TALEGA NA KENA CA, O MERIKA ENA SEGA NI DRO,ENA TU GA!
Isa, isa lei! na ulutaga qo da sa mai loloma ga. Da rogoca ni dau dua e vakau lesu tale i Viti, na cava mada e levu vei keda mera veiwali taka!! kila qo e sega ni ka lailai. Na levu ni stress e sotava tu na wekada qo kila ga na Kalou. Meda vuli mai kina o keda na gone, me sa tekivu maroroi nai lavo ni da na sega ni gonegone tiko ga. Kua ni vakau kece tu nai lavo e na western union. Maroroi nai lavo,na gauna mo sa retire kina sa rawa ni o lesu tale i noda ka lai bula marau, nisa tu e dua na nomu source. God Bless vei kemudou na lomani yabaki qo.
Sa dina sara na wekaqu. E vakamosi yalo ni da rogoca ni sa baci vakau e dua na wekada i na noda vanua. E da sega ni veikilai taka na noda dui gagadre vakayadudua ia na Kalou e vakatara na noda sa mai tiko ena vanua oqo. Au vakabauta nida masulaka me tuki na visa ni curu mai Amerika. Ia ni da sa mai raica na veivakalougatataki ni Kalou ena vanua qo,kevaka eda na sega ni qarauna ena mai vakamatabokotaka na matada ka da na sega kina ni rawata nai naki taumada ni gole mai Amerika. Sa mai guilecavi sara kina vakatotolo na vakabauta na Kalou ka sauma mai na masu mai Viti. E vinaka nai lavo ia me kakua ni mai dabe ena i dabedabe ni Kalou ena noda bula. Na tiko e Amerika kei na lesu i Viti e tu ga vua na Tamada sa cecere sara na kena lewa.E nona o vuravura,veivanua kei ira era sa tiko kina.Noqu kerekere ga vei kemuni na weka ni sa taura na nomuni votavota ni qai nanumi keimami tiko ena masu na se bera tiko.Kemudou na Ifereimi na Manasa ni kakua ni biuti keimami me keimami valu taudua. Remember us in your prayers!!! God Bless the sons and daughters of Fiji!
Post a Comment